प्रवर्द्धन संवाददाता माघ १५, २०७६
२०२० जनवरी ३१ शुक्रबारका दिन स्थानीय समय अनुसार बेलुकाको११ बजेर १ मिनेटमा बेलायत औपचारिकरुपमा युरोपियन युनियनबाट बाहिरिनेछ । यस बहिर्गमनलाई ब्रेकजिट नाम दिइएको छ जसले ब्रिटेन एक्जिट अर्थात् बेलायतको बहिर्गमन बुझाउँछ । २०१६ मा भएको चुनावमा १७.४ मिलियन नागरिकहरूले भाग लिएका थिए भने 48 प्रतिशतले युरोपियन युनियनमा नै रहिरहने पक्षमा मत राखेका थिए भने ५२ प्रतिशत जनताहरुले युरोपियन युनियनबाट छुट्टिने पक्षमा मत खसालेका थिए । झिनो मत अन्तरको आधारमा युरोपियन युनियनबाट बेलायत बाहिरिने निर्णय भएकाले २०१६ देखि नै विभिन्न विरोध प्रदर्शनहरु हुँदै आएका छन् तथापि बहुमतको कदर गर्दै आज शुक्रबार बेलायत युनियन बाट अलग्गिदै छ ।
